Hemşaredarê Şaredarîya Şaristanê Girdî Emîn Ay, 5ê teşrîna verêne, Roja Mamosteyan a Dinya de mamosteyan reyde ke şaredarîye de xebitîyenê, ame têhet. Ayî bale ante ser o ke perwerde bingeyanê serekeyan ê cuya demokratîke û komelkîye ra yew o.

Aktîvîte hetê Serekîya Daîreya Xizmetanê Komelkîyan ra Mudirîya Şûbeyê Xizmetanê Pîran a Sumerparkî de ame organîzekerdiş. Serekê Daîreya Xizmetanê Komelkîyan Omer Samanî nameyê Ferzad Kemangerî wend ke 2010 de Îran de ame îdamkerdiş, û vat: “Ez ê mamosteyê pîlî bi rêzdarîye ana vîrê xo.”

Hemşaredar Ay: Esasê ma komelo exlaqî û polîtîk o

Hemşaredar Ayî Roja Mamosteyan a Dinya ya heme perwerdekaran pîroz kerd û seba xebatanê înan ê fedakaran sipas kerd. Ayî vat: “Fehmê ma yê îdareyanê herêmkîyan de esaso bingeyin komelo exlaqî û polîtîk o. Ma eşkenê tena bi perwerde ney bîyarê ca. Ma zaf qerardar ê ke îmkananê şaredarîye warê perwerdeyî de bi qewet aver berê.”

Hemverfekê Meclîsî Demet Ceylan û Ayhan Karatekin, endamê meclîsî û serekê daîreyanê têkildaran zî beşdarê aktîvîteyî bîyî.

Açarnayox: Mehmet Olmez