Hemşaredaranê Şaredarîya Amedî ya Şaristanê Girdî Serra Bucak û Emîn Ayî MEBYA-DER, MED-DER û MED TUHAD-FED zîyaret kerdî. Hemşaredaran fikr û waştişê temsîlkaranê dezgehan goşdarî kerdî û seba aktîvîteyanê hemparan ke do piştî bidê cuya şaristanî, mesajê piştîpêdayîş û hemkarîye dayî.

Hemşaredaran Hemverfeka Meclîsê DBB'yî Demet Ceylan û endamanê meclîsî reyde Komeleya Piştîpêdayîş, Yewîye û Kulturî ya Keyeyanê ke Dergûşa Medenîyetî de Nêzdîyê Xo Vîndî Kerdê (MEBYA-DER), Komeleya Cigêrayîşê Ziwan û Kulturî ya Mezopotamya (MED-DER) û Federasyonê Komeleyanê Huqûq û Piştîpêdayîşî yê Keyeyanê Tepîşte û Mehkûman ê Medî (MED TUHAD-FED) zîyaret kerdî.

Pêdîyayîşan de derheqê xebatanê dezgehan de mişewre bî. Piştîpêdayîş û hemkarîya mabênê îdareyanê herêmkîyan û rêxistinanê komelê sîvîlî û aktîvîteyê hemparî ke do piştî bidê cuya şaristanî zî ameyî nirxnayîş.

Mesajê piştîpêdayîş û xebata hempare

Hemşaredaran bale ante muhîmîya piştîpêdayîşî ya mabênê îdareyanê herêmkîyan û rêxistinanê komelê sîvîlî ser o. Temsîlkaranê MEBYA-DER, MED-DER û MED TUHAD-FED zî seba zîyaretî Hemşaredar Serra Bucak û Emîn Ayî rê sipas kerd.

Tadayox: Mehmet Olmez