Kombîyayîşê Torra Çimdarîya Xizmetanê Herêmkî ke hetê Merkezê Cigêrayîşanê Komelkî yê Dîcleyî (DÎTAM)î ra bi temaya "Diyarbekir Rayîrê Bajarê Domdarî û Komelan de" ame organîzekerdene, Salona Kombîyayîşî ya Odaya Bazirganî û Sanayî ya Diyarbekirî de ame bicaardene.

Hemşaredara Amedî Serra Bucak, hemserekê şaredarîyanê qezayan, akademîsyenî û temsîlkarê rêxistinanê komelê sîvîlî beşdarê kombîyayîşî bîyî.

Hemşaredare Bucak ke kombîyayîşî de qisey kerd, îfade kerd ke heqê bajarî gênê merkezê heme polîtîkayan; pê fehmê bajarêko ekolojîk, azadîwazê cinîyan, resayoxî hereket kenê.

Bucak va: "Çîyo ke bajarêk keno domdar tena sermîyangozerî nîyê; o yo ke ê sermîyangozerî seba kamî ameyî kerdene, qalîteya cuye çiqas berz kerde û senî resenê komelî. Ma Amed de do bi nê fehmî xebatanê xo dewam bikerê."