Hemşaredara Şaredarîya Amedî ya Şaristanê Girdî Serra Bucak, Bostananê Şaristanî yê Komunê Cinîyan ke bi amancê xurtkerdişê ekonomîya cinîyan, weşverdayîşê toximanê herêmkîyan û teşwîqkerdişê berhemardişê ekolojîkî ameyî bicaardiş, zîyaret kerdî û cinîyanê berhemardoxan reyde ameye têhet.

Bucak warê bostanî ra gêraye, berhemî etud kerdî, beşdarê çînayîşî bîye û cinîyan reyde derheqê xebatan de ke yenê ramitiş, eleqedar bîye.

Bucak bale ante muhîmîya beşdarîya cinîyan a berhemardişî û xurtbîyayîşê piştîpêdayîşê mabênê înan ser o.

Bostanan de ke bi pêşengîya Serekîya Daîreya Polîtîkayanê Cinîyan Taxa Talaytepeyî ya Kayapinarî de ameyî awankerdiş, zerzewatan ra teber nebatê dermanî û aromatîkî zî yenê pîlkerdiş.

Zîyaretî de Hetkara Sekreterê Pêroyî Zerîn Turk, endamê meclîsê ma û serekê daîreyanê ma yê têkilîdaran Bucak reyde bîyî.