Hemşaredara Şaredarîya Şaristanê Girdî Serra Bucak, qezaya Farqînî de etud kerd û waştişê hemwelatîyanê ke laserî ra zerar dîyo, goşdarî kerdî. Farqîn de varano zaf bî sebebê laseran.

1ê teşrîna verêne de Farqîn de varano zaf û torge bîyî sebebê laseran. Etudan de Hemşaredarê Şaredarîya Farqînî Sevim Biçici û Kadrî Esen, endamê meclîsî û Mudirê Pêroyî yê DÎSKÎ Mehmet Şerifoglu hetê Hemşaredare Bucak de bîyî.

Ekîbanê Şaredarîya Şaristanê Girdî, Şaredarîya Farqînî û DÎSKÎ seatanê verênan ê varanî ra nat dest bi xebatanê vetişê awe, rayîrakerdiş û pakkerdişî kerd. Ekîbî bêvindertiş xebitîyayî ke zirarî bêrê çarekerdiş û cuya rojane reyna bêra halê xo yê normalî.

Hemşaredare Bucak hemwelatî goşdarî kerdî

Hemşaredare Bucak taxê ke laserî ra zerar dîyo, yew bi yew gêrayî û hemwelatîyanê mexdûran reyde ameye têhet. Bucak bale ante ser o ke şaredarî bi heme îmkananê xo hetê farqînijan de ya. Bucak dîyar kerd ke ê do vera varananê reyêk de ke krîzê îklîmî ardê, seranserê şaristanî de çareyê daîmî bi lez bîyarê ca.

Xebata ekîban bêvindertiş dewam kena

Ekîbî vera îhtîmalê varananê neweyan amadebîyayîşê xo dewam kenê. Xebatê vetişê awe û rindkerdişê binawanî do heta ke rîsk bi temamî nêmeno, bêvindertiş dewam bikerê.

Çarnayox: Mehmet Olmez