Pêdîyayîşê Şarî de ke Serekîya Daîreya Çapemenî, Weşan û Têkilîyanê Şarî ya Şaredarîya Amedî ya Şaristanê Girdî organîze kerdbî, hemşaredaranê Amedî Serra Bucak û Emîn Ayî taleb, pêşnîyaz û problemê hemwelatîyan goşdarî kerdî.

Pêdîyayîşî de ke bi beşdarîyêka zafe ame kerdiş, zaf babetî qisey bîyî: sere de binawanî, res, pakîye, îstîhdam, xizmetê hemwelatîyanê astengdaran, xurtkerdişê cinîyan cuya komelkî û ekonomîke de, resê dewan û hewcedarîyê nêweşanê çolyakî.

Hemşaredar Bucak vat ke roja ke ameyî wezîfe ra nat 17 qezayan de 32 pêdîyayîşê şarî û 23 kombîyayîşê muxtaran organîze kerdî û tekîd kerd ke ê do dewam bikerê ke şaristanî şarî reyde pîya îdare bikerê.

Hemşaredar Ayî zî ard ziwan ke heme talebê ke hemwelatîyan vatî, ameyî qeydkerdiş û vat: “Talebî do yew bi yew bêrê kontrolkerdiş û erjnayîş.”