Hûmara temmuze-tebaxe ya kovara xêzeroman a Bajarî ke Şaredarîya ma ya Şaristanê Girdî bi ziwananê kurmanckî û kirmanckî di aşman de reyêk dîjîtal weşanena, resaye wendoxan.

Hûmara Bajarî ya newîye de cuya Ayşe Şan ke muzîkê kurdan de namdar a, pê xêzeromanî resena wendoxan.

Kovare de sewbîna Ken Parkerî ke karakteranê efsanewî yê dinyaya xêzeromanî ra yo, yeno daşinasnayîş; Keko û Dedektîfê Kuçeyanê Tengan Zilkîf zî serebûdanê xo yê neweyan reyde rîpelan de ca gênê.

Wendoxî eşkenê adresa bajar.tr ser o bi hewayêko bêpere xo biresnê heme hûmaranê kovara xêzeromane ya Bajarî.