Ekîbê kontrolê xidayan ke Serekîya Daîreya Karanê Weşîye ra girêdaye yê, bi amancê pawitişê weşîya şarî û temînkerdişê resayîşê xidayanê pêbaweran, kontrolanê xo yê seranserê şaristanî dewam kenê.

Ekîban kontrolan de ke dezgehêk de kerdî ke Taxa Şehîtlikî de falîyet keno, dîyar kerd ke ardîyê ke demê şuxulnayîşê înan vîyarto û tede kêzikî tepsît kerdî. Bi pêroyî 7 ton û 100 kîlogram ardî ke şuxulnayîşê înan hetê weşîye ra talûke yo, ekîbanê zabita reyde pîya ame zabitkerdiş.

Berhemî ameyî îmhakerdiş

Berhemê ke şertanê vera mewzuatî de ameybî tepiştiş, badê temamkerdişê muameleyanê laziman seba îmhakerdişî ameyî destserronayîş. Ekîban berhemî Îstasyonê Neqilkerdişê Çopî de îmha kerdî.

Şaredarîya Şaristanê Girdî, bi amancê ke şar bireso xidayanê biweşî û pêbaweran, do kontrolanê xo yê nuqteyanê berhemardiş, depokerdiş û rotişî bêvindertiş dewam bikera.