Mehdî Zana ke serekanê verênan ê Şaredarîya Şaristanê Girdî ra yo, badê nimajê cenaza ke Camîyê Girdî de ame kerdiş, Goristanê Yenîkoyî de seba raywanîya xo ya peyêne ame oxirkerdiş.

Seba Mehdî Zanayî ke nêweşxaneyî de ke rîyê nêweşîya KOAHî ra rehmet kerd û mabênê serranê 1977-1980î de wezîfeyê Serekîya Şaredarîya Amedî kerdo, merasîmê cenaze ame kerdiş.

Hemşaredara Amedî ya Şaristanê Girdî Serra Bucak, cinîya Zanayî Leyla Zana û keyeyê ci, temsîlkarê partîyanê sîyasîyan û rêxistinanê komelê sîvîlî, parlamenterî, hemşaredarê şaredarîyan û zaf hemwelatî beşdarê merasîmî bîyî.

Badê merasîmê vernîya awanîya xizmetî ya Şaredarîya Şaristanê Girdî, Zana ame ardiş Camîyê Girdî; badê nimajê cenaze berdîya Goristanê Yenîkoyî.

Badê merasîmî ke tîya de ame kerdiş, cenazaya Zanayî ameye nimitene. Keyeyê Mehdî Zanayî serweşîyan Keyeyê Tazîya yê Licêyijan de qebûl kenê.