Hemşaredaranê Şaredariya Amedî ya Şaristanê Girdî Serra Bucak û Emîn Ayî nuştox Mehmed Uzun serrgêra 19. ya merdişê ey de Goristanê Berê Mardînî de gorê ey ser o yad kerd.

Uzun nameyanê muhîmanê edebîyatê kurdî ra yew o.

Yadkerdişî de ke bi pêşengîya Şaredarîya ma ame organîzekerdiş, keye û embazê Uzunî, endamê Komela Edebîyatkaranê Kurdan, sîyasetmedaran, nuştox û zaf hemwelatîyan ca girewt.

Hemşaredara Amedî Serra Bucak yadkerdişî de qisey kerd û bale ante ser o ke Mehmed Uzun nuştoxêko muhîm o ke dej û surgunê yew şarî edebîyatî reyde ardî têhet.

Bucak vat: “Zaf Mehmed Uzunê ke sey ey bi ziwanê dayîke berhem danê, wa rayîrê ma roşn bikerê.” Bernameyê yadkerdişî bi ronayîşê qerenfîl û gulanê sûran gorê Mehmed Uzunî ser o qedîya.