Ekîbanê Mudirîya Şûbeyê Trafîkî ya Serekîya Daîreya Zabita seba berzkerdişê standardanê xizmetî yê komresê şaristanî otobusanê şarî yê taybetîyan de kontrolo hempar kerd. Kontrolan de rewşa fizîkî û pakîya wesayîtan û hacetê ke seba raywanan est ê ameyî kontrolkerdiş. Ekîban karardişê kursîyanê astengdaran ra heta asayîşê tarîfeyanê vayan cîya-cîya babetî kontrol kerdî.

Kursîyê astengdaran ameyî kontrolkerdiş

Kontrolan de wesayîtî ameyî tesbîtkerdiş ke seba ke hîna zaf raywanan berê, kursîyê raywananê astengdaran gênê. Ekîban rewşa nê kursîyan kontrol kerde ke ganî raywananê astengdaran rê akerde bê.

Rewşa fizîkî ya kursîyanê bînan zî ameye etudkerdiş. Otobusê ke kursîyê înan şikite, dirrîyaye û qilêrin ê ameyî tesbîtkerdiş. Wesayîtê ke tarîfeyê vayî cayêk de nêleqnayî ke raywanî bivînê zî ameyî tesbîtkerdiş.

Kaporta, cam û pakîya wesayîtan ameyî etudkerdiş

Kontrolan de rewşa kaporta û camanê otobusan zî ameye kontrolkerdiş û otobusê ke kaporteyê înan xirab o û camê înan şikite yê ameyî tesbîtkerdiş. Kontrolanê pakîye de kursî û pakîya pêroyî ameyî erjnayîş û otobusê ke pakîya wesayîtî rê bes baldar nîyê zî ameyî tesbîtkerdiş.

93 otobusî ameyî kontrolkerdiş, 25 otobusan rê muameleyo îdarî ame kerdiş

Tatbîqatî de ke tede 93 otobusê şarî yê taybetî ameyî kontrolkerdiş, 25 otobusan rê ke goreyê mewzuatî nêxebitîyayî, muameleyê îdarî yê hewceyî ameyî kerdiş.

Şaredarîya Şaristanê Girdî do dewam bikera ke wesayîtanê komresî de bêvindertene kontrolan bikera ke emnîyet, weşî û rehetîya hemwelatîyan bêro temînkerdiş û qalîteyê xizmetî yê komresê şaristanî zêde bibo.

Çarnayox: Mehmet Olmez