Hemşaredara Şaredarîya Şaristanê Girdî Serra Bucak verê çend rojan Borsaya Heywananê Ganîyan a Taxa Çarikli ya qezaya Sûrî zîyaret kerdbî û waştişê esnaf û hemwelatîyan goşdarî kerdbî. Bucak îlan kerdbî ke verê zimistanî warî de cayê sergirewteyî yê demkî do bêrê viraştiş û seba hewceyîyanê binawanî yê sey awe û pakîye, xebatê miqate û tamîrî do bi lez dest pê bikerê.

Serûberkerdişo fermî temam bî

Serekîya Daîreya Karnasî û Îştirakan, badê teftîşanê Hemşaredare Bucak û waştişê hemwelatîyan, rojanê xebate de serûberkerdişêk kerd ke xebatê newekerdiş û rindkerdişî bêvindertiş dewam bikerê.

Peynîya hewteyî de do girewte bo

Badê nirxnayîşan, hewceyîyê wayîranê heywanan, herînayox û rotoxan û prosesê miqate û tamîrî ameyî hesibnayîş. Qerar ame dayîş ke Borsaya Heywananê Ganîyan mîyanê hewteyî akerde, peynîya hewteyî de zî girewte bimano.

Tesîso daîmî do Şenbeko de bêro viraştiş

Seba ke borsa rê çareyêko daîmî bêro dîyayîş, projeyê Borsaya Heywananê Ganîyan a newîye û moderne zî dewam keno. Seba projeyî Taxa Şenbeko ya qezaya Baglarî de ca ame tayînkerdiş.

Açarnayox: Mehmet Olmez