Şaredarîya Amedî ya Şaristanê Girdî û 13 şaredarîyê qezayan, çarçewaya kampanyaya "Rabin" de ke seranserê şaristanî de vera girêdayîş û xerabîya komelkî dest pêkerd, Parka Koşuyoluyî de muxtaran reyde ameyî têhet.

Hemvatoxê Meclîsê Şaredarîya Amedî Ayhan Karatekîn û Demet Ceylan, hemşaredarê şaredarîyanê qezayan, endamê meclîsî, Hetkarê Sekreterê Pêroyî Muhabbet Erdogmuş û Zerîn Turk, serekê daîreyan, hemserekê Partîya Seypêyî û DBPyî yê Şaristanî, temsîlkarê rêxistinanê komelê sîvîlî, muxtarê taxan û zaf hemwelatî beşdarê pêdîyayîşî bîyî.

Pêdîyayîşî de ame vengdayîş ke têkoşînê vera girêdayîşî taxan ra dest pêkero û bi beşdarîya heme qismanê komelî bêro ramitiş.

Bernameyî de muxtaranê taxan ke qisey kerd, problemê ke herêmanê xo de rastê ci yenê û waştişê xo yê çarekerdişî ardî ziwan.