Şaredarîya Amedî ya Şaristanê Girdî seba cinîyan Kursê Pîlkerdişê Nebatanê Dermanî û Aromatîkan organîze kena.

Muracatê kursê bisertîfîka ke tede perwerdeyo teorîk û tatbîqî do bêro dayîş, mabênê 20-30ê teşrîna verêne de do bêrê girewtiş.

Kursî de ke binê banê Serekîya Daîreya Polîtîkayanê Cinîyan de do dest pê bikero, cinî do nebatanê dermanî û aromatîkan bişinasnê û metodanê pîlkerdiş û miqateyê înan bimusê.

Perwerdeyan de ke do cinîyan xoza û herre reyde bîyarê têhet, tarîxê nebatan û warê bikarardişê înan zî do bêrê qiseykerdiş.

Cinîyê ke wazenê beşdarê kursê bisertîfîka bibê, eşkenê mabênê 20-30ê teşrîna verêne de Merkezê Cuya Cinîyan ê Ben û Senî û Merkezê Cuya Cinîyan ê Yenîkoyî ra muracat bikerê.