Mudirîya Şûbeyê Xizmetanê Gedeyan a Serekîya Daîreya Xizmetanê Komelkîyan atolyeyanê demê neweyî virazena ke gedeyî qabîlîyetanê xo kifş bikerê û xo waranê cîya-cîyayan de aver şêrê. Atolyeyî do perwerdekaranê pisporan reyde bêrê kerdiş.

5 branşan de perwerde do bêro dayîş

• Atolyeya Resmî: Gedeyî do xeyalanê xo bi reng û xetan îfade bikerê û qabîlîyetê xo yê hunerê asayîşî aver berê.

• Atolyeya Drama: Bi xebatanê drama yê afirnayoxan, qabîlîyetê resnayîş, bawerîya bi xo û empatîye yê gedeyan do bêrê piştîdayîş.

• Atolyeya Hunerê Ekolojîkî û P4C (Seba Gedeyan Felsefe): Hişê xozayî û huner yenê têhet; fikirîyayîşo rexneyî, afirnayox û persker ê gedeyan do bêro piştîdayîş.

• Atolyeya Pîyanoyî: Gedeyan rê perwerdeyê muzîkî yo bingeyin do bêro dayîş; hîsê rîtmî, hesê goşdarîkerdişî û koordînasyonê enstrumanî do aver şêrê.

• Atolyeya Qodkerdişê Robotîkî: Fikirîyayîşo algorîtmîk, çarekerdişê problemî û berhemardişo dîjîtal ê gedeyan do aver şêro.

Atolyeyî do mîyanê hewteyî di grûban de bêrê kerdiş

Atolyeyê bêpereyî do Warê Cuya Hempare yê Sumerparkî de, bi kontenjanêko sînordar, mîyanê hewteyî her roje bi di grûban bêrê kerdiş: şodirî saetanê 08.30–12.00 û badê nêmeroje saetanê 13.30–16.30 de. Atolyeyî do demê perwerdeyî de dewam bikerê. Muracatî heta 7ê teşrîna verêne formê muracatî yo onlîne ser ra yenê kerdiş; perwerde do 12ê teşrîna verêne dişeme dest pê bikero.

Formê muracatî yo onlîne: https://forms.gle/SvxGEa97wCPi2mC56

Tadayox: Mehmet Olmez