Şaredarîya Amedî ya Şaristanê Girdî, organîzekerdişê pêdîyayîşanê şarî dewam kena ke hemwelatî bieşkê waştiş, pêşnîyaz û fikranê xo rasterast biresnê îdareyê şaredarîye.

Na çarçewa de, bi koordînasyonê Serekîya Daîreya ma ya Çapemenî Weşan û Têkilîyanê Şarî, Parka Ahmed Arifî ya Taxa Huzurevlerî ya qezaya Kayapinarî de pêdîyayîşê şarî ame viraştiş.

Hemşaredarê ma Serra Bucak û Emîn Ay, Hemserekê Rêxistina Qeza ya DEM Partî ya Kayapinarî Sercan Dogan û Mehmet Yeşîlbaş, Hemşaredarê Kayapinarî Cengîz Dundar, endamê meclîsê ma, serekê daîreyanê ma û zaf hemwelatî beşdarê pêdîyayîşî bîyî.

Pêdîyayîşî de hemwelatîyan waştişê pakkerdiş, kurs û kitabxane, rayîr, keyeyê tazîye, peyarayîr û kerraya parke; gedeyan zî waştişê xalî saha û hewze Hemşaredaran rê ardî ziwan.

Hemşaredaranê Amedî ke bale ante muhîmîya têkilîyanê rasterastan ê şarî û goşdarîkerdişê şarî ser o, vat: "Ma eşkenê taxe pîya bikerê rindêre."