Gedeyê ke Zarokistanan ra îstîfade kenê, çalakîya mehesre û herîre de beşdarê viraştişê meşlûr û bastêqî bîyî û kulturê berhemdayîşê tradîsyonî bi pratîkî musayî; çalakîye Şaredarîya Amedî ya Şaristanê Girdî organîze kerde.

Çalakîya mehesre û herîre seba gedeyanê Zarokistanan ameye organîzekerdiş ke girêdayeyê Mudirîya Şûbeyê Xizmetanê Gedeyan a Serekîya Daîreya Xizmetanê Komelkî yê. Çalakîye baxçeyê Kreş û Keyeyê Miqateyê Rojaneyî yê Zarokistanê Bagcilar de bîye û gedeyî wayîr û perwerdekaranê xo reyde prosesê berhemdayîşê tradîsyonî de ameyî têhet. Bi çalakîye amanc bî ke gedeyî xoza reyde wext bivîyarnê, muhîmîya citkarîya organîke fehm bikerê û erjanê kulturî yê herême bişinasnê.

Gedeyî berhemdayîşê tradîsyonî bi pratîkî musayî

Gedeyî beşdarê viraştişê meşlûr û bastêqî bîyî û prosesê amadekerdişê tamanê herêmkîyan nêzdî ra şinasna. Gedeyan keyfê berhemdayîşî bi destanê xo ciwîya û hem bi temaşekerdiş hem zî bi kerdiş musayî.

Parekerdiş û piştîpêdayîş ameyî vernî

Çalakîye de ke bi fehmê pîya berhemdayîşî ameye organîzekerdiş, parekerdiş, piştîpêdayîş û hemkarî ameyî vernî. Gedeyan bi keda hempare muhîmîya ardimkerdişê yewbînan dî.

Resnayîşê mîrasê kulturî neslanê ameyoxan

Bi çalakîye ke tede tradîsyonê mehesre gedeyan rê ame daşinasnayîş, amanc bî ke mîrasê kulturî biresno neslanê ameyoxan û kulturê berhemdayîşê herêmkî gandar bimano.