Hevşaredarê Bajarê Mezin ê Amedê Dogan Hatun, Sehayên Futbol, Voleybol û Basketbolê yên Navçeya 500 Evlerê yên ku li navçeya Kayapinarê hatin nûkirin û dest bi xizmetê kirin, seh kir.

Bi piştgiriya Midûriyeta Xizmetên Ciwan û Sporê, Park û Baxçe, Parastin û Kontrola Jîngehê û Xizmetên Piştevaniyê, li Sehayên Futbol, Voleybol û Basketbolê yên 500 Evlerê yên ku 2 sal in bêkêr hatine hiştin, xebatên nûkirin û temîrkirinê hatin destpêkirin, li Taxa Barişê ya navçeya Kayapinarê, temam bûn. Hevşaredarê Bajarê Mezin Dogan Hatun sehayên ku pêşkêşî welatiyan hatin kirin, saxtî kirin.

Hevşaredar beşdarî lîstikên zarokan bû

Di dema ku Serokatiya Daîreya Xizmetên Ciwan û Werzîşê alavên werzîşê li zarokan belav kirin, Hevşaredar Hatun piştî lêkolîna sehayên ku ciwan û zarokan eleqeyeke mezin nîşan didin bi zarokan re voleybol lîst.

Hevşaredar Hatun ji bo sazkirina pergala ronahiyê li sehayan û rakirin û sererastkirina tenûra ku li ber sehayê hatiye avakirin, yekîneyên têkildar erkdar kir. Hatun piştre bi welatiyên li taxê re sohbet kir û diyar kir ku girîng e ku zarokan derbarê paqijiya hawirdorê de hişyar bikin.

Di serdanan de ligel Hevşaredar, Alîkarê Sekreterê Giştî Reşat Bakan, serokên daîreyan û endamên meclisê amade bûn.