Şaredariya Bajarê Mezin a Amedê, bi minasebeta Hefteya Astengdarên Bihîstinê piştgirî da xwendekarên astengdarên bihîstinê.

Endamên Komîsyona Astengdaran a Meclisa Şaredariya Bajarê Mezin, Serokê Daîreya Xizmetên Civakî Serkan Demîrkiran û Midûrê Şaxa Xizmetên Astengdar û Kal Îsmaîl Degirmencî, bi boneya 23-29ê Îlonê Hefteya Astengdarên Bihîstinê li dibistana Seretayî û Navîn a Astengdarên Bihîstinê ya Yenîşehîrê ziyaret kirin.

Endamên Komîsyona Astengdaran a Meclîsê û Serokê Daîreya Xizmetên Civakî Serkan Demîrkiran bal kişand ser xwendekarên astengdar. Di bernameyê de çenteyên ku tê de alavên mektebê hebûn, diyarî xwendekarên astengdar hatin kirin.

'Em ê piştgiriya mafê perwerdehiya astengdaran bidomînin'

Midûrê Şaxa Xizmetên Astengdaran û Kal û pîran Îsmaîl Degîrmencî jî got ku ew bi xebatên xwe armanc dikin ku derbarê astengdaran de hişyariyê bidin.

Degîrmencî bi bîr xist ku Şaredariya Bajarê Mezin ji bo astengdaran xizmetê dide û wiha got: “Em dema karê xwe dikin, bi şîara jiyana bi hev re û bi hev re tevdigerin û cihêrengiya li bajêr didin ber çavan. Ji rêbazên asayî û klasîk dûr ketin, me di Hefteya Astengdaran de serdana Dibistana Seretayî û Navîn a Astengdaran a Surkentê kir. Me bi diyarîkirina setên perwerdeyê ji hevalên xwe yên astengdar re hişyarî zêde kir. Li vir em vê sozê didin: Em ê piştgiriyê bidin mafê perwerdehiyê yê astengdaran."