Li navçeya Bismilê di çarçoveya Hefteya Îtfaiyê de ji aliyê Şaredariya Bajarê Mezin a Amedê ve perwerdeya midaxeleya şewatê hat dayîn.

Daîreya Agirkujiyê bi munasebeta Hefteya Agirkujiyê, ku di navbera 25ê Îlonê û 1ê Cotmehê de tê pîrozkirin, perwerdehiya teorîk û pratîkî li ser tiştên ku di dema û piştî rewşa awarte de bikin organîze dike.

Di bernameya perwerdeyê ya ku li xwendegeheke navçeya Bismilê hat lidarxistin de der barê mudaxaleya şewatê de agahiyên teorîk hatin dayîn.

Ekîbên agirkujiyê diyar kirin ku di dema şewatê de divê li xeta Navenda Banga Lezgîn a 112an bigerin û der barê tedbîrên di dema şewatê de ji xwendekaran re pêşkêşî kirin.

Neferên agirkujiyê ji xwendekaran re tedbîrên pêşîlêgirtina agir, di dema şewatê de çi bikin, teknîkên vemirandina agir, alavên vemirandina agir, erkên wesayitên agirkujiyê û agahdariya bingehîn a agir ji xwendekaran re vegotin.

Perwerdehiya îtfaiyê ya bi pratîk

Ji mamoste û xwendekaran re perwerdeya vemirandina agir û midaxeleya agir bi îtfaiyeyan hat dayîn. Karkerên îtfaiyeyê alav û amûrên îtfaiyê dan nasîn û qonaxên mudaxaleya agirpêketinê di pratîkê de nîşan dan.

Perwerdehiya agirpêketinê ji bo her kesî

Di çarçoveya Hefteya Îtfaiyê de, Îtfaiyeya Amedê dê li navenda bajar û navçeyan li kreş, pêşdibistan, dibistanên seretayî, dibistanên navîn, lîse, navendên ciwanan, nexweşxane û saziyên din ên cemaweriyê li navenda bajar û navçeyan perwerdehiyê pêk bîne û li Dezgeha Îtfaiyeyê xwendekaran bike mêvan. 

Şaredariya Bajarê Mezin a Amedê, bi çalakiyên ku dê li dar bixe, armanc dike ku hişyariya agirkujî û ewlehiyê li hemû beşên civakê belav bike.

'Perwerde ji 7 heta 70 salî'

Midûrê Perwerdeyê yê Îtfaiyeyê Îhsan Gezer, der barê perwerdeyan de agahî da û diyar kir ku armanca wan ew e ku bi perwerdeyan ji 7’an heta 70’î der barê şewatê de hişyariya her kesî bilind bikin.

Gezer wiha got: “Di çarçoveya Hefteya Îtfaiyeyê de em hewl didin ji zarokan re girîngiya îtfaiyeyê, çi dike û erk û berpirsyariyên bingehîn ji zarokan re vebêjin. Di heman demê de, em rave dikin ka meriv çawa destwerdana agir dike, tedbîr û bergiriyên ku ji bo rêlibergirtina şewatên muhtemel û agahdariya pêwîst didin. Di heman demê de dê perwerdeya me li navendên ciwanan û sazî û rêxistinên gel bidome.”