Hevşaredara Bajarê Mezin a Amedê Serra Bucak, li Navenda Çand û Kongreyê ya ÇandAmedê li lîstika Amadeûsê temaşe kir.

Lîstika Amadeus a ku ji aliyê nivîskar Pater Shaffer ve hatiye nivîsandin û çîroka bestekarên navdar Wolfgang Amadeus Mozart û Antonio Salieri vedibêje, li Navenda Çand û Kongreyê ya ÇandAmedê hat lîstin. Hevşaredarê Bajarê Mezin Bucak, beşdarî pêşandana şanoya Amedus a ku Selçuk Method û Tansu Bîçer dilîzin bû.

Hevşaredar Bucak kulîlk diyarî lîstikvanên şanoyê kir

Hevşaredar Bucak piştî temaşekirina lîstikê bi lîstikvanê pêşeng Selçûk Rethod re hevdîtin kir. Hevşaredar Bucak ku li ser navê hemû lîstikvanan kulîlk diyarî Selçûk Method kir, diyar kir ku wan ji lîstikê gelekî ecibandin û ji ber lîstika xwe ya di lîstikê de Selçûk û lîstikvanên şanoyê pîroz kirin.

'Li Amedê şano û sînema xwedî cihekî taybet e'

Bucak ji bo Lîstikvan Method û ekîba wî serketinê xwest û got, "Li Amedê şano û sînema xwedî cihekî taybet in, dîtina şanogerên mîna we di nav me de gelekî xweş e."

Li gel hevşaredar Bucak, Hevseroka berê ya DBBê Gultan Kişanak, Hevserokên DEMê yên parêzgeha Amedê Gulşen Ozer û Abbas Şahîn, Alîkara Sekreterê Giştî Zerîn Turk, serokên daîreyan û endamên meclîsê jî lîstik temaşe kirin.