Nivîskarên wêjeyî yên ku beşdarî sohbeta ku ji aliyê Şaredariya Bajarê Mezin a Amedê ve hat lidarxistin, li ser jiyana Nivîskar Mehmed Uzun ku yek ji kevirên bingehîn ên wêjeya Kurdî ye û serpêhatiya wî ya bi zimanê zikmakî nivîsandin.

Di çarçoveya çalakiyên bibîranîna Nivîskar Mehmed Uzun de di bin pêşengiya Serokatiya Daîreya Çand û Karûbarên Civakî de sohbet hat kirin. Di sohbeta ku li Navenda Çand û Kongreyê ya ÇandAmedê bi moderatoriya Lal Laleş hat kirin, birayê Mehmed Uzun Mustafa Uzun, nivîskar Şeyhmus Diken û Mizgîn Ronak wek axaftvan beşdar bûn. Hevşaredara Bajarê Mezin a Amedê Serra Bucak, Seroka Daîreya Çand û Karûbarên Civakî Çagla Sanay, xwînerên Uzun, malbat û hevalên Uzun beşdarî sohbetê bûn.

Mustafa Uzun, anî ziman ku ziman ji bo me mîraseke pîroz e û di warê wêje û çandê de weke pirekê ye û bal kişand ser girîngiya ziman û divê di her qadê de bê bikaranîn. Uzun behsa jiyan û serpêhatiya nivîskariya birayê xwe Mehmed Uzun jî kir û got ku di nava şert û mercên gelekî zehmet de bi hev re li ser edebiyatê xebitîne.

 Mustafa Uzun diyar kir ku Mehmed Uzun nêçîrvanekî baş yê peyvan bû û di kîjan şert û derfetan de romana "Tu" nivîsand.

'Ji bo ku hûn bibin nivîskarekî baş, divê hûn di deriyên mezin re derbas bibin'

Nivîskar Şeyhmus Diken pirtûka xwe ya bi navê Sirgûniya Jiyana Feqîr bi bîr xist û tê de behsa jiyana Uzun û serpêhatiyên wî yên 15 mehên ku li Amedê bi wî re derbas bûye di dema nexweşiyê de vedibêje. Diken, gotina Yaşar Kemal a ku pêşgotina pirtûkê nivîsîbû, "Ji bo bibe nivîskarekî baş, di deriyên mezin re derbas dibe" bi bîr xist û got ku Uzun mîna lehengekî romanê jiyaye, li gorî hevoka Yaşar Kemal li ser xwe gotiye.

Diken da zanîn ku wî ewil pirtûkên Uzun di bin siya evîna winda û kaniya çarenûsê de bi tirkî xwend û piştre jî dema zimanê xwe yê kurdî pêş xist, Bîra Qederê û Siya Evînê bi kurdî xwend û wiha got: “Min tama kurdî di jiyana rojane de jê girt. Uzun kesê ku 500 peyvên ku li ber windabûnê bûn ji nû ve anî ziman.” 

Li aliyê din Mizgîn Ronak, anî ziman ku Mehmed Uzun dema di girtîgehê de bû, ji perspektîfa xwendevanekî gelekî îlham girtiye û di romana "Tu" de metafora Xalxalokê vegot.