Şaredariya Bajarê Mezin a Amedê, ji bo ku kûçikê ku bi nexweşiya pençeşêrê ketibû, ji bo ku tenduristiya xwe bi dest bixe dest bi dermankirina kemoterapî kir.

Şaredariya Bajarê Mezin xebatên xwe yên ji bo parastina stargeh, xwarin û tenduristiya sewalên bêxwedî didomîne.

Federasyona Mafên Heywanan (HAYTAP) ji bo tedawiya kûçikê ku li Zanîngeha Dîcleyê bi nexweşiya pençeşêrê ketibû, ji Wezareta Tenduristiyê re daxwazek kir.

Kûçikê ku ji Zanîngeha Dîcleyê ji aliyê beytarê Beşa Tenduristiyê ve hat girtin li Mala Lênêrîna Heywanan û Navenda Rehabîlîtasyonê hat dermankirin.

Piştî muayeneyên bijîşkên beytar biryar hat dayîn ku kemoterapî li kûçikê bêxwedî were kirin.

'Yekemîn tedawiya kemoterapî hat kirin'

Serokê Daîreya Karên Tenduristiyê Vahap Saçakli, der barê mijarê de agahî da û got ku ewil kemoterapî li candostî hatiye kirin. Saçakli destnîşan kir ku ew qîmetê didin her zindiyan û wiha got:

“Dema ku me bi hevalên xwe re dest bi wezîfeyê kir, me slogana ‘Bajarê Dostê Heywanan Amed’ çêkir. Hemû zindewar ji bo me bi qîmet in. Di vê çarçoveyê de Nûnera Parêzgeha HAYTAPê ya Zanîngeha Dîcleyê Sevgî Hanim li me geriya û da zanîn ku kûçikek bi pençeşêrê heye. Me li ser vê mijarê bi hevalên xwe yên bijîşk ên pispor re axivî û kûçik ji Zanîngeha Dîcleyê bir û li stargeha xwe kir mêvan. Me yekem dermankirina kemoterapî ya hevalê xwe yê hêja kir. Em bawer dikin ku bi hêza hezkirinê em ê vî hevalê hêja vegerînin jiyanê.”

Pêvajoya tedawiya kûçikê ku tê plankirin 2 dozên kemoterapiyê werbigire dê di rojên pêş de zelal bibe.