Hevşaredarê Bajarê Mezin ê Amedê Dogan Hatun beşdarî meşa li dijî qeyûman a li Êlihê hat lidarxistin bû û diyar kir ku pêwîstî bi naskirina vîna gel heye.

Rêxistinên Partiya Wekheviya Gelan û Demokrasiyê (DEM) û Partiya Herêmên Demokratîk (DBP) ya Êlihê, dijî tayînkirina qeyûman meşek li dar xist. Hevserokên DBP'ê Çîgdem Kiliçgûn Uçar û Keskîn Bayindir, parlamenter, Hevşaredarên Êlihê, nûnerên saziyên sivîl û Hevşaredarê Bajarê Mezin ê Amedê Dogan Hatun beşdarî meşê bûn.

Hevşaredar Hatun û kesên pê re li Parka Yilmaz Guney hatin cem hev û heta Çerxa Basînê meşiyan.

'Divê hûn vê îradeyê nas bikin'

Piştî meşê Hevşaredar Hatun axivî û bi bîr xist ku naskirina vîna gel ferz e. Hevşaredar Hatun bal kişand ku gelê Êlihê 40 sal in ji bo mafên xwe têdikoşe û wiha got: “Êlih vîna gelê Êlihê ye, Mêrdîn vîna gelê Mêrdînê ye, Xelfetî jî vîna xelkê Xelfetiyê ye. Divê hûn vê îradeyê nas bikin. Ji ber ku ew mafdar in, xwediyê wê axê ne, li ser wê axê dijîn. Îro gelê Kurd li ber xwe dide û vîna xwe diparêze. Ya hûn ê vîna me nas bikin an hûn ê nas bikin, em ê çok danaynin. Gelê Kurd çokan danayne. Xem neke, avahîyên we yên we bin; Em vîna xwe, ava xwe, axa xwe, zimanê xwe diparêzin."