Sporê Şaredariya Amedê ya Bajarê Mezin, di hentbol, voleybol û futbolê de bi serkeftinên ku dîsa bi dest xistin, serkeftinên xwe berdewam dikin.

Sporê Şaredariya Amedê ya Bajarê Mezin ku di bin Serokatiya Daîreya Xizmetên Ciwan û Sporê de hatiye avakirin, di musabeqeyên hentbol, voleybol û futbolê de li hember reqîbên xwe bi ser ket.

Sporê Şaredariya Amedê ya Bajarê Mezin ku di Lîga 2. ya Hentbolê Zilaman a Tirkiyeyê Koma G de têdikoşe, di musabeqeya ku di Salona Sporê ya Seyrantepeyê de bi Klûba Sporê ya Dibistana Navîn a Herêma Derudeweyî ya Yeşîlliya Mêrdînê re rû bi rû hat, 29-20 bi ser ket û di 3 musabeqeyên destpêkê de bi ser ket.

Di Lîga Voleybolê ya Jinan a 2. de jî Îçkalespor û Sporê Şaredariya Amedê ya Bajarê Mezin, li Salona Sporê ya Koşkleran rû bi rû hatin. Tîma DBB'ê bi setên 25-14, 25-10, 25-15î reqîbê xwe 3-0 bindest kir û di 6 musabeqeyan de serkeftina xwe ya 5. bi dest xist.

Tîma DBB'ê Play-Off qezenc kir

DBB ku di nav 24 tîmên Lîga U-18 ya Ciwanên TFF'a Amed Koma 2. de cih digire, di 10 heb ji 11 musabeqeyan de bi ser ket. Tîma DBB'ê ku di rêza 2. de koma xwe temam kir, mafê Play-Offê qezenc kir. Piştî van musabeqeyan dê 2 tîm beşdarî Şampiyonaya Tirkiyeyê bibin.

Di Lîga U 14 Koma B de jî tîma DBB'ê, ji 13 musabeqeyan 9 serkeftin, 4 bindestî bi dest xist û di rêza 5. de lîg temam kir.

Di musabeqeya Lîga Super Amatorî de Sporê Şaredariya Amedê ya Bajarê Mezin, li Tesîsên Şîlbeyê bi Yolsporê re rû bi rû hat. Musabeqe 0-0 wekhev bi dawî bû. C