Şaredariya Mezin a Amedê û Konseya Bajêr resepsiyoneke Serê Salê li dar xist.

Şaredariya Mezin û Meclîsa Çand û Hunerê ya Konseya Bajêr a Amedê, di 13'ê Çileyê de, ku ji sed salan vir ve bi rîtuelên rengîn tê pîrozkirin, resepsiyoneke serê salê saz kir.

Di çalakiyê de ku ji bo pîrozkirina Serê Salê û naskirina saziyên çand û hunerê yên Amedê hatiye lidarxistin, nûnerên saziyan li Navenda Çand û Kongreyê ya ÇandAmedê hatin ba hev.

Di çalakiyê de Sekreterê Giştî yê Şaredariya Mezin Emrullah Gorduk, Alîkara Sekreterê Giştî Zerin Turk, Seroka Daîreya Karûbarên Çandî û Civakî Zeynep Yaş, hevserokên şaredariyên navçeyan, nûnerên rêxistinên civaka sivîl, rêveberên çandê û endamên meclîsê beşdar bûn.

Endama Konseya Rêveber a Meclîsa Bajêr Saliha Ayata û Hevaxêverên Meclîsa Çand û Hunerê Berivan Matyar û Barış Işık di bernameya vekirinê de axaftin kirin û derbarê xebatên ku Meclîsa Çand û Hunerê dê bike de agahî dan.

Çalakî bi guhdarîkirina muzîkê bi dawî bû.