Hevseroka Şaredariya Bajarê Mezin Serra Bucak, li Navenda Hunerê ya Mordemê beşdarî pêşandana belgefîlma "Av Kişandin Çemî: Çanda Anatolyayê di 20emîn sala xwe de" bû.

Hevseroka Şaredariya Mezin a Amedê Serra Bucak, li Navenda Hunerê ya Mordemê beşdarî pêşandana belgefîlma "Av Kişandin Çemî Çanda Anatolyayê di 20emîn sala xwe de" bû. Belgefîlma ku qala xebatên 20 salan yên Çanda Anatolyayê dike, piştî pêşandana xwe ya pêşîn li Stenbolê, li Amedê jî derkeve pêşberî sînemahezan. Li gel Hevşaredarê, Seroka Daîreya Karên Civakî Zeynep Yaş, endamên meclîsa şaredariyê û gelek hunerhez jî beşdarî pêşandanê bûn. Hevşaredar Bucak, beriya pêşandanê bi beşdaran re sohbet kir.

Piştî pêşandanê, berhênerên naveroka fîlmê, pêvajoya derketina belgefîlmê û hestên ku dixwazin bigihînin temaşevanan parve kirin. Ekîbê bersiva pirsên temaşevanan da û vegot ka Çanda Anatolyayê bi rêya Navenda Hunerê ya Amedê çawa piştgirî dide berhemhênaniya hunerê li herêmê.

'Nefsbiçûkiya cîhana çand û hunerê nîşan daye'

Hevşaredara Bajarê Mezin Serra Bucak, derbarê belgefîlmê de wiha peyivî: "Ez hildam birim cihekî, çend hestên têkel bi min dan hesandinê. Serê pêşîn, min ev honak pir eciband, ez pîrozbahiyê li derhêner dikim ku tiştekî sade û nefsbiçûk çêkiriye. Nefsbiçûkiya Çanda Anatolyayê û cîhana çand û hunerê nîşan daye. Di cîhana ku ber bi qebehiyê ve diçe de, di heman demê de hestên qedirşinasiyê jî baş hatine nîşandan."