Şaredariya Bajarê Mezin a Amedê, bi kirîna 21 wesayîtên nû yên agirkujiyê fîloya xwe berfireh kir. Serokê Daîreya Agirkujiyê Metîn Alar diyar kir ku wesayîtên nû dê di şert û mercên eraziyê yên dijwar ên herêmên gundewarî de jî bi bandor bixebitin û got ku dê wesayît di têkoşîna li dijî şewatê de cudahiyeke mezin çêbikin.

Serokatiya Daîreya Agirkujiyê ya Şaredariya Bajarê Mezin, ji bo ku rast û bilez mudaxaleyî şewatan bike bi kirîna 21 wesayîtên nû yên agirkujiyê fîloya wesayîtan berfireh kir. Wesayîtên ku xwedî taybetmendiyên xebatê yên bi bandortir di şert û mercên eraziyê yên dijwar de ne, dê hem di mudaxeleya şewatê de cudahiyekê çêbikin û hem jî dê bi standardên navneteweyî bernameyeke xebatê ya profesyonel were pêkanîn.

Serokê Daîreya Agirkujiyê Metîn Alar, der barê wesayîtên nû yên hatine kirîn de nirxandin kir.

"Mudaxeleya bilez a li hemberî şewatan girîng e"

Alar diyar kir ku bi taybetî di mehên havînê de şewatên pirêzeyan ên ku li herêmê pir caran rû didin, ne tenê zirarê didin xwezayê, di heman demê de zirarê didin qadên çandiniyê, ekosîstemê û carinan jî ewlehiya can û malî û destnîşan kir ku ev rewş careke din nîşan dide ku mudaxeleya bileztir a li hemberî şewatan xwedî girîngiyeke elzem e.

"Ew ê di mudaxeleya şewatê de cudahiyeke mezin çêbike"

Alar ragihand ku ji ber vê yekê wan 21 wesayîtên nû yên agirkujiyê yên bi teknolojiya herî dawî hatine ragirtin kirîne da ku kapasîteya têkoşîna li dijî şewatan zêde bikin û wiha got: "Ev wesayît xwedî taybetmendiyên ku di şert û mercên eraziyê yên dijwar de jî bi bandor bixebitin. Her yek ji wan dê bi kapasîteya avê ya bilind, alavên nûjen û şiyana tevgerê di têkoşîna li dijî şewatê de cudahiyeke mezin çêbike."

"Ew ê li herêma gundewarî avantajên girîng peyda bike"

Alar ragihand ku 11 wesayît 4×4 û kapasîteya avê 7 ton in û wiha domand: "6 wesayîtên me 6×4 in û ji arazozê bi kapasîteya avê 11 ton pêk tê, 3 wesayîtên me 6×4 tanker in, kapasîteya avê 17 ton e û wesayîtek me jî dê wekî wesayîta lojîstîkê ya agirkujiyê tevlî fîloya me bibe. 10 wesayîtên me yên ewil dê di rojên ewil ên tîrmehê de û 11 wesayîtên me yên mayî jî dê di meha îlonê de bigihêjin destê me. Wesayîtên ku em ê li fîloya xwe zêde bikin, dê di mijara şewatên ku li herêmên gundewarî derdikevin de ji me re avantajên girîng peyda bikin."

"Ewlehî di asta herî jor de hatiye sêwirandin"

Alar ragihand ku wesayîtên agirkujiyê yên nûjen bi rengekî ku ewlehiya şewatê di asta herî jor de pêşkêş bikin hatine sêwirandin û diyar kir ku wesayîtên nû bi depoyên avê yên bi kapasîteya bilind û pergalên pompê yên bihêz, şiyana tevgerê ji bo herêmên ku gihîştina wan dijwar e û teknolojiyên nifşê nû yên vemirandina şewatê û alavên ewlehiyê hatine stendin.

Alar diyar kir ku bi qasî bikaranîna bi bandor a wesayîtan, ji bo pêşîlêgirtina şewatan jî berpirsiyarî dikeve ser hemû welatiyan û got, "Divê em wekî civak hişyar bibin û li hemberî rîska şewatê bêtir hestiyar bibin. Bi hev re em dikarin xwezaya xwe û pêşeroja xwe biparêzin."

Alar ragihand ku bi 21 wesayîtên nû yên di nav Serokatiya Daîreya Agirkujiyê de hatine kirîn re hejmar derketiye 79an û ragihand ku ew ê bi 300 personel û 79 wesayîtan re li qadên şewatê bi awayekî bilez mudaxeleya xwe bidomînin.