Hevseroka Şaredariya Bajarê Mezin a Amedê Serra Bucak, bi şanda ku ji Swîsreyê ji bo pîrozbahiya Newrozê hatibû bajêr re hevdîtin pêk anî.

Hevseroka Şaredariya Bajarê Mezin Serra Bucak, bi şanda ku ji bo pîrozbahiya Newrozê hatibû Amedê re civiya. Di nav vê şandê de endamê Encûmena Şaredariya Zurîhê Yves Henz û akademîsyena ji Zanîngeha Federal a Teknîkî ya ETH Swîsreyê Felicitas Fischer jî hebûn.

Di hevdîtinê de şandê peyamên xwe yên piştgiriyê gihandin. Herwiha, di vê hevdîtinê de li ser ezmûnên rêvebiriya herêmî, derfetên piştgiriya navneteweyî û rola civaka sivîl danûstendinên ramanî hatin kirin.