Şaredariya Bajarê Mezin a Amedê, di çarçoveya xebatên ji hev cudakirina li çavkaniyê û rêvebirina bermahiyan de ku li seranserê bajêr dest pê kiriye, qorên perwerdeyê li dar dixe.

 

Xebatên ji hev cudakirina li çavkaniyê û rêvebirina bermahiyan ku bi hevkariya Serokatiya Daîreya Guherîna Avhewayê û Sifir Bermayî û Serokatiya Daîreya Parastina Jîngehê û Kontrolê tên meşandin, berdewam dikin.

Armanc ji hev cudakirina li çavkaniyê ye

Di çarçoveya xebatên ku bi armanca parastina tenduristiya gel û avakirina jîngeheke paqij hatine plankirin de, li navçeyên navendê û navçeyên derve jî perwerdehî li ser mijarên jîngeh, rêvebirina bermahiyan, bikaranîna çavkaniyên enerjiya nûjenbar û parastina çavkaniyên xwezayî tên dayîn.

Piştî xebatên perwerdehiyê yên ku li navenda bajêr dest pê kirine, li navçeyên derve jî dest bi xebatên perwerdehiyê hat kirin. Ji bo vê armancê, perwerdehiya pêşîn ji personelên Şaredariya Çinarê re hat dayîn.

Personelên Şaredariya Çinarê hatin agahdarkirin

Li perwerdehiyê ku personelên Şaredariya Çinarê bi beşdariya berbiçav tê de cih girtin, Rêveberê Şaxa Sifir Bermayî û Vegerandina Materyalan Meltem Ayzer Ozbek û Muhendîsa Bilind a Jîngehê Nevroz Kavak bi alîkariya pêşkêşkirina slaydê agahdarî dan.