Şaredariya Bajarê Mezin a Amedê, xebatên xwe yên ji bo nûkirina rêya 15 kîlometre ya di sînorê Habeşî-Sersing-Siwêregê de dewam dike.

Di çarçoveya plansaziya ku ji aliyê Serokatiya Daîreya Lêgerîna Çêkirina Rê û Koordînasyona Binesaziyê ve hatiye kirin de, li navenda bajêr û taxên gundan rêyên xerabûyî tên nûkirin.

15 kîlometre rê tê nûkirin

Di vê çarçoveyê de rêya koma sînorê navçeya Baxlar, Habeşî-Siwêregê 15 kîlometre dirêj e tê çakkirin. Rêya navbera Habeşî-Sersing-Siwêregê(Riya Çopê) ku li herêmê ji navenda navçeya Baxlarê heta sînorê parêzgeha Ruhayê ye, wek têkeleka germ a bitumînê ket ber plansaziyê. Di çarçoveya projeyê de xebatên kolandinê, tijîkirina kevir û pmatê hatin kirin.

Di xebatan de wê 39 hezar û 600 ton derxistina madeya PMT û 28 hezar û 800 ton betona asfalt binder bête kirin.

Gelek gund ji vê rê sûdê werdigirin

Ji rêya ku çaksazî lê dihat kirin navçeya Baxlar: gundê Habeşî, Ervanî, Sersing, Dahlek, Ortawêran, Dangirana Jorîn, Keşîşan, Mezrik û Zinarcank û taxên Mezrik, Qeredûman, Ervanî, Ortawêran, Zinarcank, Kelek û Qişlayê jê sûd werdigirin.

Rê dê tevkariyê li turîzmê bike

Li ser daxwaza welatiyan ekîbên Şaredariya Bajarê Mezin dê vê rêyê ji bo rêgeha çûyîna Navenda Kaşûnê ya Qerejdaxê jî terxan bike ku demsala zivistanê dema ji bo serdanên turîstîk bêt bikaranîn û dê di demeke kurt de vê rêgehê bixe ber xizmetê.

Li navenda bajêr rêyên xerab tên çakkirin

Ji aliyê din ve di çarçoveya xebatan de rêyên ketin û derketinê yên Zanîngeha Dîcleyê hatin nûjenkirin û li ser rêyan li nuqteyên cuda yên bajêr xebatên asfaltkirinê hatin kirin û vê yekê jî bandoreke erênî li rehetiya ajotinê kir.