Di navbera Şaredariya Bajarê Mezin a Amedê û TUM BEL-SENê de Peymana Kar a Kolektîf (TÎS) hat îmzekirin. Di peymanê de gelek mafên civakî û aborî hatin garantîkirin.

Peymana Kar a Kolektîf, di navbera Şaredariya Bajarê Mezin a Amedê û Sendîkaya Kedkarên Xizmetguzariya Hemû Şaredarî û Rêveberiyên Herêmî (TUM BEL-SEN) de hat îmzekirin û di çarçoveya mafên civakî û aborî yên karmendan de guhertinên girîng hatin kirin. Peymana ku wê di navbera 1ê Hezîrana 2024 û 31ê Kanûna 2025an de derbasdar be, mafên berfireh ji karmendan re tîne.

Şaredariya Bajarê Mezin û rayedarên Tum Bel-Senê ji bo îmzekirina peymanê hatin cem hev. Di merasîma îmzeyê de Alîkarê Hevşaredarê Bajarê Mezin Ayhan Karatekîn, rayedarê Tum Bel-Senê û Sekreterê Giştî Îzzettîn Alpergîn, Sekretera Giştî ya Hiqûq û Peymanê Zeynep Sarikaya Altun, Sekretera Hiqûq û Sekretera TÎSê Çagla Sanay amade bûn û îmze di navbera Şaredariya Amedê û Hevserokê Tum Bel-Sena Amedê Mehmet Çandar de hate morkirin.

Di merasîma îmzeyê de Sekreterê Giştî yê Şaredariya Bajarê Mezin Emrullah Gorduk û Alîkarê Sekreterê Giştî Reşat Bakan jî amade bûn.

Cara ewil mafê betlaneya reglê ji jinan re hat dayîn

Li gorî peymanê, salek çar caran ji bo karmendan garantî hate dayîn. Tezmînata hevsengiya civakî hat nûkirin ku her mehê di 15ê mehê de bê dayîn. Di peymanê de rojên taybet nehatin jibîrkirin. Karkerên jin, 8ê Adarê Roja Jinên Kedkar ên Cîhanê û 25ê Mijdarê Roja Têkoşîna li Dijî Tundiya Li Ser Jinê ya Cîhanê; Karkerên astengdar jî dê di 3yê Kanûnê Roja Astengdaran a Cîhanê û 10-16ê Gulanê Hefteya Astengdaran de ji bo rojekê (1) betlaneya îdarî karibin bi kar bînin. Di peymanê de hat diyarkirin ku xebatkarên jin wê mehê rojekê betlaneya reglbûnê bistînin û xebatkarên ku di zewaca pirzewacî de ne dê ji peymanê sûd wernegirin.

Peyama spasiya TUM BEL-SENê

Şaxa Tum Bel-Sena Amedê têkildarî îmzekirina TÎSê peyama spasiyê weşand. Di peyamê de wiha hat gotin: “Di navbera 06.01.2024 û 31.12.2025an de di navbera TUM BEL-SEN û Şaredariya Bajarê Mezin a Amedê de peymana kar a kolektîf hat îmzekirin. Di vê peymana ku hem di warê mafên civakî û hem jî di warê aborî de destkeftiyan dide, bêyî ku her kesê ku li kêleka ked û kedkaran xwedî helwest be û li ser esasê wekhevî, edalet, nirxên demokratîk û merîfetiyê bêyî marjînalîzekirin û dubendîkirin, em pêşkêşî şaredariyê dikin. Hevşaredar, Alîkarê Şaredar û Şaredariya Bajarê Mezin, wekî TUM BEL-SEN Şaxa Amedê, hem ji karkeran re, hem jî ji kedkaran re li ser navê we spasiya we dikin.