Şaredarîya Amedî ya Şaristanê Girdî seba ke şarê bi hewayêko weşî û hîjyenî Qurbanê xo bido Roşanê Qurbanî tedbîrê xo girewtî û cayê birnayîşê qurbanan dîyar kerdî.

Şaredarîya Şariştanê Girdî seba Roşanê Qurbanî bi beldarîya şaredarîyanê qezayan kombîyayîşêk kerd. Eywana kombîyayîşê yê Şaredarîya Sûrî de seba weşîya şarî plan û programê Roşanê Qurbanî ameyî dîyarkerdene.

Heme tedbîrî ameyî girewtene

Kombîyayîşo bi şaredarîya qezayan ame viraştene, sey serekê komîsyonî Serekê Daîreya Karê Weşîye Vahap Saçaklidirî wina va: “Seba ke şarê ma bi hewayêko hîjyenîk û weşîye qurbanê xo bido, ma bi personelanê xo û şaredarîyanê qezayan kombîyayîşêk viraşt û ma koordînasyonêk awan kerd. Seba ke ma ca de bieşkîyê mudaxele bikê, ma grûbêka têkilîyew ronaye.”

“Seba ke derûdor leymin nêbo, ma bi baldarî têw bigêrê.”

Saçaklidirî ard ziwan ke seba ke derûdor leymin nêbo înan heme tedbîrî girewtî û wina dewam kerd: “Personelê ma yê şaredarî seba ke derûdor zaf leymin nêbo her ca de poşeyê çopî û konteynerê çopî ronenê. Şarê ma zî wa qurbananê xo bîyarê cayanê ma ke ma dîyar kerdî. Tîya de şarê ma şêno baytaran ra zî hetkarî biwazo.”

Ekîbêk seba ê heywanan ke remenê

Saçaklidirî dîyar kerd ke ê heme detayî fikirîyayî û ekîbêk zî ameya awankerdene seba heywananê ke remenê.

Ekîbê zabitayî seba ke vernîya birnayîşê qaçaxî bigîrê, do kontrolan bikê.

Serekîya Daîreya Zabitayî cayê birnayîş û rotişê heywanan de do kontrolan bikê. Cayê ke şaredarî dîyar kerdî ê cayan ra vêşêr birnayîşan rê do mudaxele bêro kerdiş û ê kesê ke wazenê şêrê cayê birnayîşî, înan rê zî rehberîye do bêra kerdene.

Sewbîna seba ke şarê ma roja arefe û roşanî de bi rehetî şêro goristanan, seba parsek û rotoxanê seyyaran zî kontrolî bêrê kerdiş.

Cayê birnayîş û rotişî de xebatê dermankerdişî zî do bêrê kerdene

Serekîya Daîreya Kontrol û Pawitişê Derûdorî vera dezenfeksîyon û mêsan cayê birnayîş û rotişî de xebatê dermankerdişî zî kena. Û sewbîna zî xebatê pakîye zî do bêrê kerdene.

Cayê birnayîş û rotişî bi awa tezyîqine yenê şutene

Ekîbê Serekîya Daîreya Îtfaîye, do cayê birnayîş û rotişî bi awa tezyîqine bişuyê.

Serekîya Daîreya Viraştişê Rayîr û Binawanîyan do cayê birnayîş û rotişê qurbanî de kêmanîyan temam bika.

Çeşme û lawabayî do bêrê ronayene

Mudirîya DÎSKÎ do cayê rotiş û birnayîşê qurbanan de seba îxtîmalê xebitmîyayîşê rogaran bi vîdanjiran hazir vindena. Û cayê birnayîş û rotişî de çeşme û lawaboyî ronena.

Cayê Birnayîşê Qurbanan yê 2024î wina yê:

1-) Sûr - Kamer-Et Kombinasi – Rayîrê Mardînî ser o

2-) Sûr - Güler-Et Kombinasi - Rayîrê Mardînî ser o

3-) Sûr –Bazarê Heywananê Gandaran yê Şaredarîya Şaristanê Girdî- Rayîrê Mardînî ser o Bazarê Heywananê Gandaran

4-) Baglar – Beymir-Et Entegre Tesisleri  San. ve Tic. A.Ş. - Övündüler Mahallesi OSB 8.Sokak No:29/1

5-) Baglar - Tuna Hayvancilik Besi Çiftliği - Övündüler Mah. OSB 5.Sokak No:10/1

6-) Yenîşehir – Cayê Bazarî yê Uçkuyular Tokî

7-) Kayapinar – Stadyûma Bajarî Dekewtişê Otoparkî yo 1.– Talaytepe

Cayê rotişê qurbaban yê 2024î wina yê:

1-) Bazarê Heywananê Gandaran yê Şaredarîya Şaristanê Girdî- Rayîrê Mardînî ser o Bazarê Heywananê Gandaran

2-) Şaredarîya Şaristanê Girdî derdorê sahaya Komur Tevzî Şehîtlîk

3-) Vera Goristanê Yenîkoyî Bazarê Rotişê Qurbanan Yenikoy Mah. (İskan Evleri)

4-) Vera Stadyûma Bajarî – Bulwarê Laleşî Kayapinar Talaytepe

5-) Yeşil Vadi Mahallesi Besi Çiftlikleri – Rayîrê Mardînî yo verên ser o, 10. kilometre