Mudirîya DÎSKÎ yê Şaredarîya Amedî ya Şaristanê Girdî Bulwarê Mahabadî yê Kayapinarî de 410 metre xetêka awa şimitişî ya newîye ronaye.

Mudirîya DÎSKÎ xeta awa şimitişî ke verê Îller Bankasi viraştbî la xete arsayanê îmarkerdîyan de mendbî, seba ke hîna weş bixebitîya newe kerd.

Seba ke problemê awa şimitişî nêrê vînayene, xeta verêne ameye betalkerdene û xeta newîye ameye ronayene. Xebate de borûyê 1000 mm yenê ronayene û peynîya xebate de do xeta awe ra bêro girêdayene.

‘Ma vernîya çîyanê neyînîyan gênê’

Mudirê DÎSKÎ yo Pêroyî Mehmet Şerîfogluyî dîyar kerd ke xebate do demêkê kilmêkî de biqedîya û wina va: “Na xete hetê Îller Bankasi ra ameybî viraştene la demî mîyan de dekewt arsaya îmarkerdî. Seba ke ameyoxî de problemî nêvejîyê, ma a xete vete teberê îmarî. Bi saya na proje ma do vernîya çîyanê neyînîyan bigîrê.”