Şaredarîya Amedî ya Şaristanê Girdî seba ke şarê ma birehetî bieşkîyo xo biresno xidayanê biweşîye, xebata "Beyraqa Sipîye" vila kena.

Şaredarîya Şaristanê Girdî hedef kena ke şaristanî mîyan de xebata Beyraqa Sipîye vila biba ke hetê gastronomî ra markaya Amedî berz biba.

Serekîya Daîreya Karê Weşîye bi ekîbanê xo yê kontrolê xidayan, tesîsê ke virazenê, vila kenê, stok kenê û roşenê, hemînan kontrol kena. Kontrolî de tesîsê ke goreyê qeydeyan xebatênê, înan bi 3, 2 û 1 estera Beyraqa Sipîye dana.

Hedef o yo ke 300 tesîsan rê Beyraqa Sipîye bêro dayene

Şaristanî mîyan de heta nika 200 tesîsî wayîrê Bayraqa Sipî yê. Hedef o yo ke 300 tesîsan rê Beyraqa Sipîye bêro dayene

Beyraqa Sipîye 

Kontrolanê normalan ra teber tesîsan de seba kalîte û ewleyîya xidayan kontrolê Bayraqa Sipîye bi 50 tewir teknîk û hîjyenî yena dayene.

Ekîbê Şaredarî verê, şaristanî mîyan de xebere danê, dima kontrol kenê.

Kontrolî de; Roşnîyan ra heta pakîye, ekîpmanan ra heta kincê personelan, kalîteyê servîsî ra heta pakîta derûdorî bi hewayêko hîra kontrolî yenê kerdene.

Tesîsê ke benê wayîrê Beyraqa Sipîye, berê înan de nuşteyê "No tesîs hetê Şaredarîya Amedî ya Şaristanê Girdî ra binîzam yeno kontrolkerdene. Seba pakî û weşîye tesîsê ke wayîrê Beyraqa Sipî yê, şima şênê înan tercîh bikê" yena eleqnayene.