Şaredarîya Girdî ya Amedî, dest bi qampanyaya pakî kerde. Merkezê şaristanî de, montajê hezar hebî qovayê çopî ke şikiteyê yan zî kêmîyê ame kerdene.

Serekîya Daîreya Qontrol û Pawitişê Dorme, bi sloganê "Ez Amed ra hes kena, lîşene nêkena" 5ê Hezîrane Roja Pawitişê Dormeyî yê Dinya" de  dest bi qampanyaya pakî kerd. 136 ziqaq, cade û bûlwaran de qovayê çopî ke şikite yê yan zî kêmî yê înan bedelnaye.

Ekîbî tewr vernîye qezaya Sûrî de qovayê çopî ronayî.Ekîbî na xebate de waştişê welatijan zî ardî ca û ça de etacê qovayê çopî est o uca de montajê ê kerdî.

Qovayê çopan yenê newekerdene

Bi na xebate, seba ke şar şaristanêko pak de hîna rehet biciwîyo cade û bûlwaran de qovayê çopî ke şikite yê yan zî kêmî yê, yan zî qet çinibîye montajê înan ame kerdene. Bi taybetî cayê rayirşîyayî de û Bûlwarê Mahabatî de bi waştişê welatijan qovayê çopan ame newe kerdene.

Semedê şaristanêko pak hesasîyet ame waştene

Ekîbî dîyar kerdî ke, wa welatijî hetkarîya qampanyaya pakî bikerê û seba ke şaristanêko pak û  rehet de biciwîyê wa çopanê xo saeta çopî de bierzê qonteyniranê çopan.

Serekîya Daîreya Qontrol û Pawitişê Dormeyî ard ziwan ke, wa şarê ma zirar nêdo qovayanê  çopan û çopanê xo nêerzo derûdor, wa çopî bierzîyê qovayanê çopan.