Şaredarîya Amedî ya Şaristanê Girdî Cadeyê Înonu yê Qezaya Sûrî de, Bulwaranê Qamişlo û Medîne yê Qezaya Baglarî de xebatê peyzajî kerdî.

Serekîya Daîreya Park û Baxçeyan seba ke Amed hîna bibo weş û estetîk, tesîsê xo de şitilanê vilikanê hamnanî kena pîl û bulwar û parkan de ronana.

Ekîbanê ma, Cadeyê Înonu yê Qezaya Sûrî de binê sûran de xebata peyzajî kerde. Serekîya Daîreya Park û Baxçeyan binê sûran de 3 hezar û 360 vilikî ronayî û park xemilna.

Ekîbanê şaredarîya ma bi vilikanê pîramît, top mazî, gule û zaqqûman xemilnayî ke vilikê hamnanî park de hîna weş biasê û şaristanê ma bibo hîna weş û estetîk.

Bulwarê Qamişlo bi vilikan yeno xemilnayene

Serekîya Daîreya Park û Baxçeyan Bulwarê Qamişlo ke sey rayîrê teyaregehî yeno zanayene, çatrayîr û refujanê ey de xebata peyzajî kena û bi vilikanê cîya-cîya renginan 12 hezar hebî ronayî û do dewam bika.

26 hezar û 500 vilikî ameyî ronayene

Bulwarê Medîne ke mîyanê sînoranê Baglarî de yo, xebata peyzajî uca de zî ameye kerdene. Ekîbê şaredarîya ma verê, cayê ke demêko derg o ke xebate nêameya kerdene, uca tercîh kenê. Bulwarê Medîne de bi renganê cîya-cîyayan 26 hezar û 500 hebî vilikê qadîfe û zinnia ronayî.

Ekîbê şaredarîya ma verê ke xebata peyzajî bikê, uca bi herre bir kenê û biawanîya ci hazir kenê ke seba awedayîşî rehetî bibo. Bulwar de 650 metre xebata payzajî ameye kerdene.

Ekîbê ma, ameyox de seba ke bulwarê şaristanê ma bibo hîna weş û estetîk, do xebatê darinkerdişî zî bikê.

Serekîya Daîreya Park û Baxçeyan goreyê taqwîmê planê xo do qezaya Baglar, Yenîşehîr, Kayapinar û Sûrî de çatrayîr û refujan de xebatanê peyzajî bika.