Keyeyê Dengbêjan ke girêdayîyê Şaredarîya Amedî ya Şaristanê Girdî yo nê 3 aşmanê peyênan de mêmandarîya 70 hezar zîyaretkerdoxan kerd.

Serekîya Daîreya Karê Sosyal û Kulturî seba ke kulturê şarî yo dendbêjîye bêro pawitene, xebatanê xo dewam kena.

2007î ra heta ewro roja dişemeyî ra teber her roje Sûr de Keyeyê Dengbêjan de dengbêjê ma mêmandarîya zîyaretkerdoxan kenê.

70 hezar kesan zîyaret kerd

Keyeyê Dengbêjan de dîwanê dengbêjan serê sibayî saete 10.00î ra heta 17.00î yeno kerdene.

Dengbêjan mêmaman ra teber 20 dengbêjê ma yê qeydkerdî est ê. Aşmanê Nîsane-Gulaneû Hezîrane de 72 dîwanî virazîyayî. Nê dîwanan de 20 dengbêjê mêmanî, pêro pîya 80 dengbêjî beşdar bîy.  Nêzdîya 70 hezar kesan no dîwan goşdarit.

Keyeyê Dengbêjan sewbîna herême de xebata folklorî keno, datayê ke yenê komkerdene, Keyeyê Dengbêjan de yenê qeydkerdene û arşîvkerdene.