Şaredarîya Amedî ya Şaristanê Girdî perwerdeyê îtfaîye dana 77 wendekaranê 25 unîversîteyan.

Serekîya Daîreya Îtfaîye, wendekarê ke Beşa Îtfaîye wanenê, înan rê perwerdeyê îtfaîye dana ke wextê şewatî de ê do senî bieşkîyê gan û malê şarî bipawê.

Merkezê şaristan û qezayan de wendekaranê stajeran rê perwerdeyê îtfaîye yeno dayene ke nê wendekaran ra 57 hebî lajek ê 29 hebî zî cinî yê.

Perwerdeyî de wendekaran rê; Teknîkê îtfaîye yê detayî, goreyê girsîya şewatî mudaxele, kontrolê şewatî yê awanî û tesîsan, raporê şewatî, sebebê şewat û hem teorîk hem zî pratîk perwerde yeno dayene.

40 rojî perwerde

40 rojan ra dima ke nê wendekaran perwerdeyê xo qedêna, înan rê belge yena dayene.