JINKARTa ke Şaredarîya Amedî ya Şaristanê Girdî seba cinîyanê dejavantajinan waştbî vejo, Meclîsa Şaredarî de qebul bî. Goreyê qerarê meclîse cinîyê ke mabênê serranê 18-64 de yê, şênê na karte ra îstîfade bikê.

Serekîya Daîreya Polîtîkayê Cinîyan yê Şaredarîya Amedî ya Şaristanê Girdî seba ke cuya cinîyanê ke bêsîgorta yê,  hîna biba rehet wina qerarêk girewtbî. Kombîyayîşê Meclîsa Şaredarî yê aşma temmuze de JINKART rojeve de bîye. JINKART bi yewîya reyan ame qebulkerdene

Cinîyê ke mabênê serranê 18-64 de yê şênê tira îstîfade bikê

Binê banê Serekîya Daîreya Polîtîkayê Cinîyan de komîsyonêk do awan bibo û no komîsyon tespît keno ke kam şêno na karte bigîro. Ê cinîyê ke cayêk de nêxebitênê û sîgortaya înan çin a, înan rê seba her aşme 90 rey heqê wenîştişî yeno dayene. Û ê cinîyê şênê tesîsanê kulturî de faalîyetan de bixebitnê.

Detayê muracatî do bêrê parekerdene

Wexto ke detayê muracatî bêrê parekerdene û cinîyê ke goreyê şertanê muracatî yê, do muracatê xo bikê.