Şaredarîya Amedî ya Şaristanê Girdî, qezaya Sûrî de awanîyê ke ameyî ternayene, uca de seba mar û dimpiştikan derman eşt.

Sebake hewa zaf beno germin, melşe, mar û dimpiştikî zî zaf benê. Seba ke şarê ma bi hewayêko rehet û weşîye biciwîyê, Şaredarîya Amedî ya Şaristanê Girdî xebatanê xo dermankerdişî dewam kena.

Serekîya Daîreya Weşîye bi ekîbanê xo hem mîyanê şaristanî hem zî qeza û dewan ra hem zî awanîyê kehen û hûtinî ke nê heywanî zaf uca ra hes kenê, bêmabên xebatanê xo yê dermankerdişî kena.

Awanîyê ke ameyî gazinkerdene, ameyî dermankerdene

Goreyê taqwîmê programî û sewbîna gazinê ke yenê ALO 153î zî ekîbê şaredarî yê dermankerdişî ca de mudaxele kenê. Şarê ma yo ke qezaya Sûrî de manenê gazinê xo ALO 153î rê vatî, ca de ekîbanê şaredarîya ma ê awanîyan de xebata dermankerdişî kerde.