Şaredarîya Amedî ya Şaristanê Girdî, seba ke xebata dermankerdişî nêlengîyo, 13 gezayan de  paştdayîşê 48 hebî wesayîtanê dermankerdişî kerd.

Serekîye Daîreya Karanê Weşîye, hetêk ra qezayanê merkezî de xebatanê xo dewam kena, hetêk ra zî  paştî dana xebatanê dermankerdişî qezayan û dewanê bînan.

Hedef o yo ke nêweşî biqedîyo

Xebatê dermankerdişî de hedef o yo ke tedbîrê nêweşîyê ke sey tewe, kolera, tîfo, yê ke kerm û kêzan ra vila benê, bêro girewtene.

Şaredarîya Amedî ya Şaristanê Girdî, pêroyê şaristanî de xebatanê xo yê dermankerdişî dewam kena û seba ke xebatê dermankerdişî nêlengîyo, qeza û dewan rê paştdayîşê wesayîtan kerd.

Şaredarîya Amedî bi 48 hebî wesayîtê dermankerdişî paştî dana qezayan

Şaredarîya Amedî ya Şaristanê Girdî, çarceweya paştdayîşî de, Bismil rê 5, Çêrmûge rê 3, Çinar rê 4, Şankuş rê 2, Pîran rê 3, Gêl rê 3, Erxenî rê 5, Hênî rê 3, Hezro rê 3, Karaz rê 3, Pasûr rê 4, Licê rê 5, Silîvan rê 5, pêro temam 48 hebî wesayîtê dermankerdişî ersawite.

13 qeza de 75 hebî wesayîtê dermankerdişî xebitîyenê.

Bi paştdayîşê Şaredarîya Amedî ya Şaristanê Girdî, qezayan de wesayîtê dermankerdişî ameyî zedekerdene. Bi na çarçewa de do Bismil de 9, Çêrmûge de 5, Çinar de 7, Şankuş de 3, Pîran de 4, Gêl de 4,  Erxenî de 10, Hêni de 4, Hezro de 4, Karaz de 4, Pasûr de 5,  Licê de 6 û Silîvan de 10 wesayîtanê dermankerdişî xebatanê xo dewam bikerê.