Şaredarîya Amedî ya Şaristanê Girdî 10 qezayan de xebata viraştiş û newekerdişê rayîran qedînayî.

Serekîya Daîreya Koordîsyanê Viraştişê Rayîr û Binawanîyan, seba ke şarê ma bieşkîya bi hewayêko ewle û bikonfor resê xo biko, 17 qezayan de xeatanê xo yê newekerdiş û viraştişê rayîran dewam kena.

10 qezayan de xebata newekerdişî qedîyaye

Ekîbê ma yê ke xebatanê xo dewam kenê, rayîrê xirabe bîyî û seba ramitişê wesayîte nêbenê, xebata newekerdiş û temîrkerdişî kenê. Qezaya Bismil de Taxa Devran de, Qezaya Sûrî de rayîrê grûbe yê dewanê Baroglu-Malyazi-Konacikî de Qezaya Pîranî de rayîrê grûbe yê Dover-Susumlu de Qezaya Karazî de rayîrê Haydarîkanî de, Qezaya Erxenî de rayîrê Selman-Încehidir,Demîrlî de, Qezaya Farqînî de rayîrê grûbe yê Yuva de, Qezaya Çinarî de rayîrê grûbe yê Goktepe-Karabudak-Solmazî de xebatê temîrê û pînekerdişê rayîrî qedîyayî.

Qezaya Çêrmûge de Taxa Aynali de, Qezaya Pasûrî de rayîrê taxanê Yuvacik, Akdoruk, Akçakesîr, Yaylakî de û Qezaya Farqînî de rayîrê Kasimliyî de xebatê temîrî ameyî kerdene.

Çinar de xebata asfaltî ameye kerdene

Ekîbê ma xebatanê temîr û pîneyî ra teber, rayîranê newîyan zî virazenê. Ekîbanê ma Qezaya Çinarî de rayîrê verênî yê Dêrîkî de Pirdê Selyazi de xebata asfaltî kerde.

Kayapinar de xebate dewam kena

Qezaya Kayapinarî de rayîrê grûbe yê Karayakup-Kaldirimî de ke 7.8 km yo, xebata sathîkerdişî yê qatê yewinî qedîyaye. Ekîbê ma nika xebata qatê dîyinî kenê.