Hemşaredarê Amedî yê Şaristanê Girdî Serra Bucak û Dogan Hatun şîyî zîyaretê serekîyanê Daîreya Xîzmetê Sosyalan û Daîreya Ciwanî û Sporî. 

Hemşaredarê Amedî yê Şaristanê Girdî Serra Bucak û Dogan Hatun şîyî zîyaretê serekîyanê Daîreya Xîzmetê Sosyalan û Daîreya Ciwanî û Sporî ke Parka Sumerparkî de xîzmet danê.

Hetkarê Sekreterîya Pêroyî Reşat Bakan û Ozgur Yildiz, serekê daîreyanê eleqedaran û encumenê meclîsî hemşaredaran reyde pîya yew bi yew yewîneyê daîreyan gêrayî. Hemşaredaran kurs û perwerdeyê ke yenê dayene, etud kerdî û serekê daîre û mudiran ra melumatî girewtî.

Hemşaredaran kursîyer û personelan reyde sohbet kerd û waştişê wendekaranê kitabxaneyê Mehmet Uzunî goşdaritî. Hemşaredaran wezîfe da amîranê beşî ke wa kitabxaneyî hîra û dewlemend bikê.

Hemşaredaran waşt ke xebatî bidetay û baldarî bêrê kerdene û dima şîyî zîyaretê Yewîya Şaredarîyanê Anatolyay Başûrrojhilatî (GABB).