Mudirîya Pêroyî ya DÎSKÎ seba ke vernî bigîro ke çimeyê awe lêmin bibê, 3 aşman de 98 tesîsan de kontrolê rûnê veşateyî kerd.

Mudirîya Pêroyî ya DÎSKÎ xebatanê xo dewam kena ke seba ke çimeyê awa şimitişî nêhermîyo.

Ekîbê DÎSKÎ goreyê "Zabitnameyê Vernîgirewtişê Qirêjîya Derûdorî" tesîsan de kontrolê rûnê veşateyî kerd. Nê kontrolî de merkezê şaristanî ra tesîsan de kontrolê lawaboyanê sanayî, tepîştoxê rûnî yê binê lawaboyan ameyî kontrolkerdiş.

98 tesîsan de kontrol ame kerdene

Ekîbê Serekîya Daîreya Kanalîzasyonî goreyê Zabitnameyê Kanalîzasyonan 3 aşmanê peyênan de 98 tesîsan de kontrolê rûnê veşateyî kerd û ê fîrmayê ke goreyê qeydeyan nêxebitênê ameyî îqazkerdene.

Û sewbîna ekîbanê ma fabrîkayê şutişê xalîyan, cayê serebirnayîşê heywanan, otel, îstasyonê benzînî, cayê şutişê erebeyan, santralê betonê hazirî, fabrîkayê karo û mermerî zî kontrol kerdî û êyê ke goreyê qeydeyan nêxebitênê înan rê zabitname ame tepîştene.

Mudirîya Pêroyî ya DÎSKÎ seba vernîya awa lêminî bigîra ke awa şimitîşî reyde têmîyan nêbo, xebatanê xo dewam kena.