Awanîyê ke Erdlerzê Meraşî de xisar girewto, rîyê rijnayîşê înan ra Şaredarîya Amedî ya Şaristanê Girdî Cadeyê Ogretmenlerî yê Baglarî do 12 rojî trafîkî rê bigîro.

Merkezê Koordînasyonê Resî (UKOME) qerar girewt ke Cadeyê Ogretmenlerî ke mabênê Cadeyê Sakarya û Emekî de maneno, awanîyanê ucayî yî xirabeyan mabênê tarîxanê 26ê temmuze û 6ê tebaxe de birijno.

Guzergeho Alternatîf 

Wexto ke cade trafîkî rê girewte yo wesayîtê resê komkî ke ê cadeyî ro vîyartêne, do Cadeyê Tegmenî ro şêrê û bêrê.