Hemşaredaranê Amedî yê Şaristanê Girdî Serra Bucak û Dogan Hatunî, Hemserekê Dem Partî yê Amedî Abbas Şahîn û Gulşen Ozer zîyaret kerd û karê înan de serkewtiş waşt.

Sekretero Pêroyî Emrullah Gorduk, hetkarê Sekreterîya Pêroyî Ozgur Yildiz, Reşat Bakan û Zerrîn Turk û endamê meclîsî zî hemşaredaran reyde pîya bîy.

Bucak: 'Bawerîya bi rayîrê hemparî est a'

Hemşaredare hemserekan Abbas Şahîn û Gulşen Ozer rê serkewtiş waşt û dest bi qiseykerdişî kerd. Bucak dîyar kerd ke Şaredarîya Amedî ya Şaristanê Girdî, şaredarîyê qezayan û îdareyê şaristanî reyde do pîya bixebitîyê. Hemşaredarane Bucak va "Bawerîya bi rayîrê hemparî est a" û wina dewam kerd; "Ma sey Şaredarîya Şaristanê Girdî yê Amedî û encumenanê xo wextê xebatê komîsyonî de ma do bi îdareyê şaristanî reyde reyna bêrî rêhet û fikrê yewbînan bigîrê.”

'Bawerîya bi rayîrê hemparî est a. Ez hemsekeran û endamê rayberîye rê serkewtiş wazena’

Hemşaredar Dogan Hatunî dîyar kerd ke ê problemanê şaristanî reyde eleqedar ê û dewam kerd; “Xeylê problemê est ê ke pêser kewtî. Ma nê şaristanî de ciwîyenê. Nê problemî ma hemînan rê tesîr kenê. Îdareyê ma herêmkî  heta serra 2016î çi kerdo hema uca de mendo. Qet averşîyayîşêk nêbî. Helbet verê zî zaf problemî est bî. La xebatî zî est bî. Bajar nê 7 serranê peyênan de zaf bî gird. Problemê ma bîyî zêde. Erdlerzî ra dima krîzê ekonomîkî, nêweşî û jan û sewbîna xeylê çî ma ciwîyayî. Nê pêro têdima bîyî. Seba çarekerdişî ma şew û roje xebitênê.”

Hemserekê Amedî yê Dem Partî Gulşen Ozer û Abbas Şahînî ard ziwan ke ê seba zîyaretî zaf bîyî keyweş û hemşaredarê ma rê zî serkewtiş waşt.