Şaredarîya Amedî ya Şaristanê Girdî 10 qezayan de dewan ra xebata viraştişê rayîran qedêna.

Serekîya Daîreya Viraştişê Rayîr û Binawanîyan xebatanê xo de seba ke resayîş bibo hîna biewle û bikonfor, 17 qezayan de dewan de rayîran temîr kena û virazena.

5 qezayan de xebatê newekerdişî qedîyayî

Ekîbê ke xebatanê xo dewam kenê, taxan de rayîrê ke hermîyayî û seba ramitişî tesîro neyînî şofor û erebayan ser o kenê, xebatanê newekerdiş û pîneyî kenê. Xebatan de Bismil de rayîrê taxanê Çoltepe û Gultepe de; Hezro de rayîrê Taxa Reşîkî de; Sûr de rayîrê grûbe yê Karabaş-Hacî Osman-Bahçecîkî de; Çinar de rayîrê grûbe yê Bîlmece-Ballibaba-Alincakî de; Gêl de Rayîrê Sarîcekî de xebatê pînekerdişê rayîran qedîyayî.

Qezaya Sûr de xebata bingeyê rayîrî

Qezaya Sûr de rayîrê grûbe yê Tanoglu-Kozan-Satî de û rayîrê taxa Kuşlukbagi de xebatê rokerdişê bingeyî ameyî kerdiş.

Pakîya menfez û hezazî

Pasûr de rayîrê dewanê Akçasir, Kayacik, Îslamkoy, Yuvacik û Yaylakî de; Şankûşe de rayîrê grûbe yê Ormançayiri, Polatuşagi û Çaybaşi de; Licê de rayîrê dewa Ortulu de xebatê reglaj, akerdişê hendekî, pakîye menfez û hezazî ameyî kerdene.

Baglar de xebatî dewam kenê

Qezaya Baglar de rayîrê grûbe yê Oglakli-Yigityolu-Sêwregi de xebatê sathî yo 2. Dewa Akdîbeka Corêne de xebatê bingeyî dewam kenê.

Erxenî de xebata asfaltî

Qezaya Erxenî de dewa Kayiksan de ekîbanê ma xebatanê bingeyî qedînayî û asfaltê qatê yewinî rokerd.

Çinar de xebata menfezî

Qezaya Çinar de rayîrê dewa Çakirtutmazî de xebatê viraştişê menfezî yenê kerdene, betonê ame rokerdene.