Hemşaredarê Şaredarîya Girdî ya Dîyarbekirî Dogan Hatunî, Parka Cuya Sosyale û Cayê Seyranî yê Qezaya Yenişehirî de kontrolîye kerde û va ke ê do tesîsê ucayî tamîr bikerê û bikerê aktîf.

Hemşaredarê Şaredarîya Girdî Dogan Hatunî, Parka Cuya Sosyale û Cayê Seyranî yê Karakopru (Fîdanlık) yê qezaya Yenişehirî de ke kîşta Çemê Dîcle de yo û 201 hezar metrekare yo, kontrol û etud kerd. Wexto ke Hemşaredar Hatun parke ra gêra, Hetkarê Sekreterîya Pêroyî Reşat Bakan û Azîz Ozdogan û serekê daîreyan ey reyra bî. Hemşaredar Hatunî, sahayê futbolî, voleybolî, basketbolî, grûbê kayanê domanan, rayîrê gêrayîşî, kortê tenîsî û tesîsî ke veng mendbî, kontrolî kerdî.

Hemşaredar Hatun: Ma do tesîsan bikerê aktîf

Hemşaredar Hatunî va ke Parka Cuya Sosyale û Cayê Seyranî veng mendo û xirabe bîyo. Ey wezîfe da beşanê eleqedaran ke tesîsê sosyal û sporî û grûbê kayanê domanan tamîr bikerê û reyna bikerê aktîf.