Ekîbê Zabîtayî yê Şaredarîya Şaristanê Girdî ya Dîyarbekirî, Termînalê Otobusanê Mabênê Şaristanan de kontrolêko hîrakerde kerd ke otobusî, taksîyê ticarî, cayê karî tede bîyî. 

Ekîbê ke girêdayeyê Serekarîya Daîreya Zabîta yê, termînal de 13 otobusê mabênê şaristanan, 25 taksîyê ticarî û 8 cayê karî kontrol kerdî. Erebayê sivilî ke qelebalixîye viraştêne û rayîrê trafîkî asteng kerdêne, ê zî ameyî îqazkerdene.

Ekîbanê ke kontrolê otobusanê mabênê şaristanan kerdêne ke saeta hereketî de bêrê ca û raywanan teber ra nêronê û nêgîrê, şoforî îqaz kerdî ke teber ra raywanan meronê û megîrê.

Qelebalixîya trafîkî ya peronan ameye çarekerdene

Ekîbanê ma xebata xo de erabeyê ticarî û sivilî ke rayîrê trafîkî asteng kenê, seba ke qelebalixîya trafîkî peronan de nêvirazîyo, dekewtişê erabeyanê sivilan asteng kerd.

Cayê karî seba îşxalkerdişî ameyî îqazkerdene

Ekîbanê ke cayê karî yê ke zereyê otogardî de xebityenê, seba îşxalkerdişî îqaz kerd, eynî wext de kontrolê ê kesan ke bi delalîye raywanî aciz kerdêne, ame kerdene.